ILUSTRANDO A ROSALÍA

       

   Engadimos unha escolma das ilustracións de diferentes poemas da autora coas que os rapaces de 1º e 2º ciclo quixeron homenaxear a nosa escritora.

GRAZAS RAPACES POLOS VOSOS  TRABALLOS !!!!!!!!! 

RECITANDO A ROSALÍA

          Os nenos e nenas de cinco anos quixeron tamén sumarse a celebración  da HOMENAXE A ROSALÍA.    

          Aquí vos deixo un video para que vexades a súa magnífica actuación.

GRAZAS RAPACES POLO VOSO ENTUSIASMO !!!!!!!!!!!

DEBUXANDO A ROSALIA

          Nesta ocasión tócalles o turno aos rapaces e rapazas de 6º. Aquí tendes algunhas das caricaturas que fixeron da escritora e que recopilamos no mural  da biblioteca.

       GRAZAS RAPACES POR FACERNOS SORRIR  !!!!!!!!!

 

RECITANDO A ROSALÍA

            Esta semana estamos a traballar coñecendo a Rosalïa.Nesta ocasión os compañeiros e compañeiras de 1º A recitamos unha poesía de "CANTARES GALLEGOS".

Aquí vos deixo o video cos fantásticos poetas de 1º A. 

 

  GRAZAS RAPACES POR EMOCIONARNOS  !!!!!!!!!!!!!

CANTANDO A ROSALIA

           O 24 de febreiro está recollido oficialmente como "Día de Rosalía de Castro" pola Consellería de Cultura e Educación no seu Calendario do Libro e da Lectura.

          O venres dia 22 de febreiro co gallo de conmemorar o 150 aniversario da publicación de "CANTARES GALLEGOS" de ROSALIA DE CASTRO teremos un acto conxunto no patio despois do recreo, na "Hora de Ler". 

          Recitaremos o poema "ALBORADA" e todos xuntos cantaremos o estribillo.

          Aquí vos deixo o poema  coa versión que fixo o vigués Carlos Núñez.

DÍA DE ROSALÍA DE CASTRO

     

A Consellería de Cultura, Educación e Ordenación Universitaria contempla, dentro do Calendario do Libro e da Lectura para o ano 2012, a data do 24 de febreiro como DÍA DE ROSALÍA, co gallo da conmemoración do nacemento da poeta. Nesta ocasión cúmprense 175 anos e á programación de actividades da FUNDACIÓN ROSALÍA, súmase nesta ocasión a proposta da AELG (Asocación de Escritoras e Escritores en Lingua Galega), cunha proposta ben fermosa: que agasallemos aos nosos seres queridos cun libro galego e unha flor, como unha forma festiva de lembrar a importancia da lingua (o 21 de febreiro celebrábase a instancias da UNESCO o Día Internacional da Lingua Materna), e homenaxear a esta escritora fundamental das nosas Letras.